في ذكرى صلاح قابيل :تعرف على قصة صوت الصراخ الذي سُمع من مقبرته بعد وفاته

 مر حوالي عام تقريبا على وفاة شهيد الشهامة ابن مدينة تلا 

محافظة المنوفية الذي راح ضحية الدفاع عن إحدى فتيات القرىة التي يعيش فيها على يد الشاب راجح

وقام احد أصدقاء البنا بكتابة رسالة مؤثرة بمناسبة ذكرى وفاته قال فيها :

السلام عليكم يا كل إخواتي وحبايبي وأصحابي ...

أنا اسمي #محمود_البنا

شكلكم نستوني بس قلبي حاسس انكم فاكريني انا شايفكم بلاش تعيطي ياماما انتي وبابا انا كويس متقلقيش عليا امسحي دموعك..

ياندي ياقلب اخوكي هو انتوا كنتوا تتمنولي مكان احسن من كده ده انا عريس في الجنه انا محمود البنا سني كان 17سنه وقت ما اتغدر بيا ودلوقتي 18سنه بحب عيلتي هما كل دنيتي امي وابويا واختي وجدي الغالي هو معايا دلوات واصحابي وحشتوني قوي ووحشتني لمتنا وهزارنا وضحكتنا وخوفنا علي بعض..

مكناش صحاب كنااخوات انامسامحكم وعارف انكم مكنتوش شايفييني بس حطلب منكم طلب شدو حيلكم وحققوا احلامكم حبقي فرحان يااغلي صحاب وحشتني مدرستي وفاكر ماما وهي فرحانه بيا لما دخلت ثانوية عامة ...

كان نفسي ابقي دكتور واعالج المحتاج بدون مقابل واجبر بخاطره تعرفوا ابويا رباني اخاف علي اهل بيتي واخاف علي بنات الناس زي اختي واتقي ربنا فيهم عشان اختي ...

اللي حصلي ان في يوم كنت رجعت من الدرس وقاعد انا وصحابي سوا بنهزر جه صحبي يجري يقول وقف روناء في نص الشارع وبيزعق وعايز يضربها وبيزقها ويشتم واخد منها الموبايل

روناء دي زميلتي وزي اختي بالظبط جرينا لقيناهم مشيوا ورحت البيت وانا متضايق جدا ازاي يمد ايده علي بنت ازاي ؟؟

كنت زعلان اوي و كتبت عندي في الاستوري اللي يمد ايده علي بنت يبقي زيها ، فوجئت براجح بيكلمني بعدها وبيهددني انا اتهزيت من كلامه خصوصا الفاظه والدي مربنيش ان ارد الاهانه قولتله ربنا يهديك ياراجح اللي هزني وخوفني نوعا ما تهديده ليا انه هيئذيني تاني يوم حكيت لصحابي وكنت خايف هما طمنوني انهم جمبي لاننا اخوات مبنسبش بعض سلمت علي امي وبوست راسها وبوست ايد ابويا وهزرت مع قلب اخوها ندي قبل ما انزل ،،،

كانوا صحابي مستنيني تحت البيت معرفش حسيت اني بودع اهلي وقلبي مقبوض و نزلت وضحكنا وهزرنا كان احلي يوم في حياتي بس قلبي فضل مقبوض ..

قلت لصحابي ثواني هجيب حاجه وجاي قالولي نيجي معاك قولتلهم دقيقه وجايلكم وانا ماشي افتكرت صاحبي اللي اتوفي قريب حسيته وحشني قريتله الفاتحه فجأه ظهر راجح عنيه كلها شر وغل معاه ناس شكلهم مرعب رشوا في وشي حاجه مش شايف بس بجري بحاول ابعد صحابي جم علي الصراخ رش علي وشهم حاجه مبقوش شايفين انا بجري كل همي اروح ارتمي في حضن امي...

فجأه حسيت بوجع جامد في رقبتي وقلبي راح اتاري ضربني راجح بالمطوه ...

حسيت عمري زي شريط بيمر قدامي امي اختي ابويا صحابي جريت وانا مدبوح مرحمنيش راجح مرحمش ضعفي وانا مدبوح مرحمش رعبي وخوفي عورني في بطني وقعت غصبن عني صحابي بيصرخوا الناس حوليا مش حاسس بحاجه مش شايف غير اهلي بس نفسي ارتمي في حضن امي ..

جريت وجريت وانا مش عارف اشوف وقلبي زي مايكون هيقف ..

وقفني واحد من اصحاب راجح ورافع مطوة لفيت تاني وراجح مش عايز يرحمني ..

ضربني كمان في رجلي من فوق عشان مقدرش اتحرك خااالص ولا اجري ..

كان نفسي اوصل بيتي اشوف ماما واقولها الحقيني واشوف بابا سندي وضهري ..

كان نفسي اكمل يومي مع اصحابي وارجع البيت اخد اختي في حضني واطبطب عليها ..

ماما كانت عايزاني مهندس وبابا كان بيقولي يا دكتور ..

بس انا دلوقت ارتحت لما شفتكوا كلكوا بتحبوني وانا كمان بحبكم اوي ...

هتوحشوني ادعولي متنسونيش.