القصة الكاملة لطالب الثانوية العامة الذي تقدم باستغاثة إلى الرئيس السيسي
يبدو أن طالب الثانوية العامة سيف الدين عادل ابراهيم شعبة علمي علوم ابن محافظة الاسكندريه
قد طرق كل الأبواب كي يقوم بتوصيل صوته للمسؤولين، كي يلحق ما تبقى من تعب ومجهود عام كامل
واخيرا الطالب سيف الدين ابن مدرسة شدوان محافظة الإسكندرية إلى كتابة قصته كاملة عبر مواقع التواصل الاجتماعي كي يصل صوته الي رئيس الجمهورية
و في نص الشكوى الذي نشرها الطالب سيف الدين على مواقع التواصل الاجتماعي التالي :
AbdelFattah Elsisi - عبد الفتاح السيسي
وزارة التربية والتعليم المصرية
رئاسة مجلس الوزراء المصري
اليوم السابع
المصري اليوم
برنامج معكم منى الشاذلي
Tarek Shawki
صدى البلد - Sada Elbalad
الصفحة الرسمية /صبايا الخير - ريهام سعيد
حزب مستقبل وطن - الصفحه الرسميه
انا المواطن سيف الدين عادل ابراهيم
سياده الرئيس عبد الفتاح السيسي تحيه طيبه وبعد
انا طالب ثانويه عامه في مدرسه شدوان الثانويه بنين بالاسكندريه حي وسط
انا اول يوم امتحانات حصل موقف كالاتي ان التابلت كان فيه خط ومكنتش بغش منه والمراقب الفاضل راح عملي محضر وعشان عدم وجود الضمير قالي مفيش حاجة (ياعم امضي) بس بعد ما ضيعلي ساعتين من الوقت بتاع الماده روحت ماضي عشان اخلص جه بعد اللجنه قالي عاوزينك تحت طبعا بعد كل ده التابلت معاهم نزلت لاقيت موظف شوؤون قنونيه قاعد ورئيس اللجنه ومدير الدور وكله قاعد فتح محضر تاني ونفس الكلام قالوه امضي مفيش حاجة ومش كفايه انهم ناس كبيره وكدابه لا دول بيحلفو كدب
المهم كملت الامتحانات عادي وكله تمام علي امل ان هاخد التابلت اخر يوم زي ما قالو
جه اخر يوم قالولي لا ده في القاهره اتحجز عليه لحد النتيجه قولت ماشي
النتيجه طلعت ابص الاقي نفسي هعيد السنه والدرجات كلها اتلغت حتي الي بره المجموع ده منظر شهاده يرضي حد بعد تعب سنه فلوس ومجهود يحصل كده
هل القانون بيقول كده حتي المحضر الي مضيت عليه ميعملش كل ده لان مكتوب فيه لم يستخدم الشريحه يبقي ازاي يحصل كل ده واروح اطلب المحضر محدش راضي يوريني حاجة حضرتك ربنا يعلم السنه دي عدت ازاي حرام والله اعيد سنه من الاول مليش زنب فيها ده حتي المواد بره المجموع اتلغت
انا راضي والحمد لله بس ربنا مبيرضاش بالظلم
وَإِذَا حَكَمْتُم بَيْنَ ٱلنَّاسِ أَن تَحْكُمُواْ بِٱلْعَدْلِ
