حصل الطالب روفائيل رأفت في مادة اللغة العربية على درجة
في موقع الوزارة وحصل على درجه النجاح في استمارة النجاح
ويطالب الوزارة برسوبه في المادة حتى يستطيع إعادة السنه والحصول على درجة كامله في المادة لأنه قام بتقسم المواد ليستطيع الحصول على درجة عاليه كما واضح من المواد التي حصل فيها على درجات أنه طالب متفوق
وكتب الطالب شكوى خاصة به قام بنشرها على صفحته الشخصية بموقع التواصل الاجتماعي فيس بوك جاء فيها التالي الطالب
بعد السلام عليكم انا طالب فى مدرسه الفشن الثانويه بنين مركز الفشن محافظه بنى سويف انا كنت مأجل ماده العربى بس دخلت الامتحان وحلت عشرين سؤال فقط من ستين سؤال وانا متاكد بنسبه 95 ٪ ان الاسئله الى انا حليتها غلط وهى اجابات غير صحيحه وهكذا بالمثل فى ماده الانجليزى والجيولوجيا والكيمياء وظهرت النتيجه على موقع الوزارة وكانت الدرجات كما توقعت ففى ماده الانجليزى و والكيمياء والجيولوجيا حصلت على صفر فى كل ماده وذلك لا عيب فيه و حصلت فى اللغه العربيه على درجه واحدة فقط وهذا ايضا لا عيب فيه ولكن فوجئت عند ذهابى للمدرسه واستلام اخطار الدرجات بانى فى اللغه العربيه حاصل على " درجه النجاح " وذلك ايضا مع اختلاف المجموع الكلى النهائى فستجد انى فى اللغه العربيه حاصل على درجه واحد وهذا ما جاء فى درجات موقع الوزارة واليوم السابع وجميع المواقع التى لها حق نشر النتيجه بس انا دلوقت مش عارف اجيب حقى ازاى وانا ماجل سنه كامله من عمرى عشان احسن من مستوايا وعلى الاقل اكون عرفت شكل وطريقه الامتحان ويجو فى الاخر يدونى درجه النجاح طب ازاى دا يحصل بس وسيادة الدكتور طارق شوقى قايل بلسانه ان النتيجه لا تشوبها شائبه؟! وكمان قايل ان الكمبيوترهو الى بيصحح الامتحان فا ازاى الكمبيوتر هايغلط ؟ ولو غلط الكمبيوتر يبقى غلط على كل زمايلى وكدا نتايجهم غير صحيحه !؟ واشمعنه الكمبيوتر يغلط على درجه النجاح ليه ما يغلطش ويكتبها ٨٠ مثلا .
انا كل الى طالبه اولا ان حقى يرجعلى حرام اضيع سنه على الفاضى انا كدا هاتدمر واهلى كمان معايا . يا ريت تدعمونى عشان صوتى يوصل
