مما لاشك منه اننا كمصريين نكون فخورين بالنماذج المصرية المشرفة مثل الدكتور مجدي يعقوب والدكتور احمد زويل وعالمة الذرة سميرة موسى ونحن الآن أمام نموذج مشرف جديد وهو نموذج لفتاة مصرية أول فتاة مصرية تحصل على منحة ناشيونال جيوغرافيك للتنقييب عن الآثار انها نورا طارق شوقي ابنة وزير التربية والتعليم والتعليم الدكتور طارق شوقي
تقول نورا : ” شغفي بالآثار ابتدى من سن صغير من وقت المدرسة، ماكانش قدامي حاجة اعملها وقتها غير اني اقرا كتير في التاريخ و الأثار. بس البداية الحقيقة كانت و أنا في الجامعة و بعدها لما بدأت أروح عمليات التنقيب على الآثار”
واضافت نورا : “اخدت منح كتير قبل منحة ناشونال جيوجرافيك، بس بصراحة مكنتش متوقعة اني هاخد المنحة دي لإني كنت مقدمة اني اكون مشرفة ومديرة علي موقع أثري و ده كان جزء من دراستي للماجستير، بعدها ب 9 شهور ردوا عليا اني اقدر ابدأ في الموقع.”
واضافت نورا : “حتشبسوت بالنسبة لي كانت من أكثر السيدات المؤثرات باعتبارها كانت من أهم القادة. و كمان الملكة تي أم الملك أخناتون و كان ليها تأثير كبير جدًا كسيدة بتحكم في الوقت ده.
وتقول نورا ايضا : “أكبر تحدياتي مع وزارة الأثار انها بتسمح بس للمفتشين و العاملين بالوزارة انهم يكون ليهم فرصة انهم يبقى ليهم الموقع بتاعهم و يستكشفوا، و مش بيدوا نفس الحقوق دي للدارسين أو علماء الآثار المستقلين، و بسبب قوانين قديمة دايمًا الاقتناع بيكون ان الناس الأكبر في السن هي الأكفأ و ده مش صح.
