علي غير العادة وفي مشهد غاية في الروعة قام مدير مدرسة طه حسين الابتدائية بمحافظة الجيزة الأستاذ عادل عبدالرحمن بارتداء الزي المدرسي الخاص بالطلاب ووقف معهم يحيي العلم ويشاركهم الأنشطة المدرسية تشجيعا لهم
علق بعض أولياء الأمور علي هذا التصرف قائلين
أستاذ عادل ضرب لنا مثلا للتواضع والاحترام والنظام والأخلاق الحميدة
بيقف وسط الطلاب بنفس الزي المدرسي ويؤدي تحية العلم ويشرف بنفسه على أنشطة الطلاب ويشجعهم في طابور الصباح من خلال عرضهم للأنشطة اللي بيصمموها بنفسهم مش مجرد لوحة بانر يشترك فيها الفصل كله وهما متضررين لكن حبب الطلاب في عمل النشاط وبدأوا يتنافسوا في عمل الانشطه اليدويه علشان شافوا التشجيع والتحفيز الفعلي والتقدير في وسط الطابور وبدأوا كمان يقدروه زي ما بيقدرهم ويقدموا له شهادات تقدير بنفسهم شوفتوا الجمال
وأكد ولي أمر إحدي الطالبات في المدرسة
أنه بيهتم بطابور الصباح وعرض الانشطه بشكل يومي و عامل "stage" في المدرسة علشان يقدموا من خلاله الاذاعه المدرسيه وعرض الأنشطة وتكريم الطلاب علشان عارف قيمة الاذاعه المدرسيه وقيمة طابور الصباح وقيمة تحية العلم وقيمة الطلاب اللي واقفه في الاذاعه
