ونشرت والدة الطالب ياسين تفاصيل الواقعة كامله علي مواقع التواصل الاجتماعي وجاء فيها علي لسان ولية أمر الطالب
"مساء الخير هو ينفع ان مدرس اللغه العربيه الاستاذ المحترم مستر حسن يضرب الولد لحد ماوشه يوصل لكده
اللي حصل ان ياسين رجع قعد ف الدسك الاخير علشان الديسك ضيق عليهم لان قاعد 3اولاد ف الديسك وهو مزنوق فالمستر قاله ارجع اقعد مكانك فقاله يامستر المكان ضيق قاله لا ارجع اقعد مكانك فالولد رجع مكانه بكل ادب واحترام فرجع ولد تانى قعد ف نفس الديسك الا ياسين كان قاعد فيه ف ياسين سال المستر ليه مرجعتش الولد يقعد ف مكانه زى مارجعتنى يامستر
فالمستر قال لياسين تعالى راح ياسين لمستر حسن والاستاذ الفاضل خلى الولد واقف ونزل ع وشه تلطيش بالاقلام وقاله ارجع اقعد مكانك رجع ياسين مكانه والمستر وهو بيشرح قال ضربو مصطفى كامل زى مانا ضربت ياسين دلوقتى خلو بقيه الاولاد اللي في الفصل يضحكو عليه
وبعد كده بيامره ان يقوم يقفل الباب بتاع الفصل فالولد رفض فقاله مره تانيه فالولد رفض مرة تالته فالولد خد شنطته ومشى م الفصل خالص هل ده ينفع
انا ادخل ابنى مدرسه ويرجع مضروب كده
هو مش فيه قرار بمنع الضرب ف المدارس ولا ايه هو الولد غلط في ايه ان هو يستاهل الضرب بالطريقه دى"
وذكرت ولي أمر الطالب ياسين انها قامت بتحرير محضر ضد المعلم وأكدت انها في انتظار القصاص لابنها من المعلم وتنظر رد فعل قوي من المسؤولين بالتعليم
