نشرت ولية أمر الطالب منير احمد طالب بالمرحلة الابتدائية بأحدي المدارس الرسمية للغات في محافظة القاهرة استغاثة إلي المسؤولين بوزارة التربية والتعليم بعد أن اصيب ابنها بفيروس كورونا نتيجة الاختلاط داخل المدرسة وأكدت في شكواه انها توجهت لمديرة المدرسة التي كان لها رد فعل سلبي كما جاء علي لسان ولية الأمر وقالت " وايه يعني ما يتصاب بكورونا
وتابعت ولية الأمر أن المدرسة لا يتوافر فيها الإجراءات الاحترازية اللازمة من كاشف عن الحرارة او مطهرات داخل الفصول كما لايوجد رقابة علي الطلاب داخل المدرسة. حيث صرحت ولية الأمر أن ابنها عاد اول يوم دراسي مصاب بحرح في لسانه نتيجة شجار بينه وبين زملاءه داخل المدرسة في غياب المسؤولين عن المدرسة .
وجاءت استغاثة ولية الأمر كالتالي :
السلام عليكم ورحمه الله وبركاته
قبل اى حاجه وقبل اى كلام انا محتاجه من كل ولى امر قبل مايكومنت يحط نفسه مكانى لمده ٥ ثوانى وبس
اولا انا ولادى الاتنين ف مدرسه المنيرة الرسميه لغات
من تاني يوم دراسه ولادى راجعنلى واحد لسانه وشفايفه مفتوحين وده ف كى جى ١ والتانيه مضروبه بالشلوت ودى ف تانيه ابتدائى حضراتكم متخيلين بنت تنضرب بالشلوت المهم نزلت وعملت مشكله مع المديرة اللى لاتمت للادارة والانسانيه بشئ ولا جديد لحد امبارح بس ابنى نزل الاحد المدرسه الاتنين اصبح لاقيت حرارته ٤٢ نزلت بيه طوارئ وعملتله التحليل اللى الدوك طلبها وطلع كورونا .
ولما اخدت التحاليل وروحت المدرسه وبتكلم مع المديرة المبجله ترد تقولى وايه المشكله لما يتصاب وانا اعمله ايه يعنى انا سمعتها بتقول كده ماحستش بنفسى وزعقت معاها جامد وقولتلها كل حاجه ممكن تتخيلوها وكله بالادب تبعا ومش عايزة تعطينى بنتى الا بعد انتهاء اليوم الدراسى وعملت مشكله برضه عشان اخدها وللاسف بنتى كمان انهارده اتصابت ومش من اخوها لانه ف العزل من امبارح ٩ صباحا ومحروم من اخواته وقسما بالله حالته وحالتها تقطع القلب .
انا مش عايزة مدارس تتقفل ومش عايزة حاجه غير انى اطمن ع ولادى وولاد غيرى لانهم اطفال وكلهم ف حمى ربنا انا كل اللى بطالب بيه الاجراءات الاحترازيه هى فين ده حتى الماسكات محدش لابسها ف المدرسه الحمامات زى الزفت ولما بقولها كده تقولى وانا مالى هاجبلكم منين قولتلها بدل ماتطلبى فلوس للبياض والمراوح اطلبى مننا ومحدش هايقولك لاء عشان تأمنى عيالنا وانا بأمرالله رايحه الوزارة بكرة وانا واثقه ف ربنا وحده ان حق ولادى هايرجعلى عشان خاطرهم وخاطر زمايلهم ...
وربنا مع المنكسرين جابر فلو سمحتم انا محتاجه البوست يوصل عشان المدارس تتعقم ولادنا مش حشرات ولادنا محتاجين يتعلموا بس ف بيئه نضيفه وده من حقهم ع الدوله ياسياده الوزير المبجل وارجو من الله ان كل حد شهم وجدع وبيتقى الله يكون معايا ف ان صوتى يوصل
ولكم جزيل الشكر ...
وليه امر قلبها موجوع
