تعودنا في مدونة أهل مصر نشر الأخبار بموضوعية وشفافية
ومثلما نقوم بنشر السلبيات التي تمر بالعملية التعليمية نقوم أيضا بنشر الإيجابيات واليوم نعرض عليكم رسالة لانعلم كيف نصفها هل هي رسالة تبعث لنا الأمل ام هي رسالة تحزن القلوب وتبكي العيون
انها رسالة شكر يتوجه بها احد اولياء الامور الي مدرسة ابنه بعد وفاة ابنه متأثرًا بمرض السرطان وجاء نص الرسالة كالتالي
السلام عليكم
اولا اعتذر جدا لو الموضوع طول شويه
انا حبيت اتكلم عن موقف شخصي حصل معايا فى مدرسه اولادى و مش عارف اكتب اسمها ولا بلاش عشان محدش يقول دعايه
بس لا أظن ان الموقف محتاج دعاية او شهرة ليهم
بس أظن ان ده حقهم لاننا فى نفس الجروب ده كنا قلنا مشاكل و باسم المدرسه عادى و فأكيد لازم اديهم حقهم
هي مدرسه United language School
المشكله كانت ٣٠/١٠/٢٠٢١
لما اكتشفت أصابه أبني فى IG /G4 وفلذى كبدى بورم سرطاني بجذع المخ الي ان توفي لرحمه الله يوم ٣٠/١٢/٢٠٢١ بعد شهرين بالضبط
طبعا لا أخفيكم سرا الموقف اللي كنا في فى البيت
من اول يوم المدرسه و مديرها و المدراسين جميعا و أصحابها لم يقصروا فى السؤال اليومي علي حاله ابني
و لان بنتي فى نفس المدرسه فى M1
و كنت طبعا انا و زوجتي و أبني مقيمين فى القاهرة فى مستشفي الأطفال ٥٧٣٥٧ كانت المدرسة بتقوم بدورنا مع بنتي فى مراجعه الواجبات و الحفظ
خلال شهرين كاملين
لم يقصروا تماما فى أن كل مدرس مادة يتكرم و يشرح لبنتي الدرس مره و اكتر من مره علي تطبيق زووم و فى اى وقت هى تحتاجه
مافيش مرة احتاجت لهم و مكنوش معاها بصراحه
مديرة المدرسه بنفسها الله يكرمها كانت بتفتح برنامج زووم و بتشرح لبنتي
وقت الامتحانات و كان عز وقت تتدهور حاله ابني المدرسين منهم اللي كانوا بيطلبوا بنتي تروحلهم البيت عشان تذاكر عندهم الله يكرمهم
و منهم اللي كان بيقعد معها علي زووم
بعد وفاه ابني تلقيت مكالمه من مديرة المدرسه ابلغتني ان المدرسة قررت رد مصاريف أبني كامله بتاعه السنه لانه علي رأيهم محضرش كتير و ده حقه و المبلغ مش قليل لانه كان ig
طبعا مواقف كتير اكون غير أمين لو لم اقدم لهم كل الشكر و التقدير و الاحترام و العرفان لما بذلوه فى هذه المحنه الصعبه مع أبنتي ووقت غيابي انا و زوجتي
المدارس كلها فى مشاكل
بس مش كل المدارس فيها أشخاص محترمين تقف معاك وقت المشكله و تسد فراغك و تحافظ علي بنتك و مستقبلها
شكرا مدرسه united
