صرح الفنان الكبير فاروق فلوكس في احد الحورات الصحفية ان الفنانة مها احمد تسببت في إصابته بجلطة عشان "زعقت" فيا في كواليس المسرحية وزعلت علي عمرى الفنى وعدم احترام الأقدمية.. وكل الناس جاتلي المستشفي إلا هى.. واعتذرت عن الشغل معاها.
وعن علاقته بابنه الفنان أحمد فلوكس صرح قائلا :
احمد فلوكس: آخر مرة كلمني من شهر
- أحمد اتجوز وخلف بدون علمي وجالي قالي انا اتجوزت وخلفت.
- عرفت خبر حبسه من وسائل الإعلام وحاولت اكلمه انا وأخته بس مش بيرد.
- أحمد عنده أزمة نفسية خاصة بعد انفصالي عن مامته.
- لسانه طويل وحمقى حتي عليا بس بيرجع يصلحني بعد كده. وانا بسكت هعمله إيه؟.
- زعلت من جوازاته الكتير بس مش بياخد رأيي.
- أحمد بيدفعني تمن زواجي الثاني وابتعادي عن والدته وهو حر في تفكيره.
- اتمني من أحمد أن يُنشئ ابنه "سيف" حفيدي بإنه يكون عَطاء لأبوه وأمه أكتر من عطاه لى كأبوه.
-أولادي التلاتة أسوياء إلا أحمد مجنون شوية.