شغلت واقعة مدرسة القناة مواقع التواصل الاجتماعي في الأيام الماضية
بدأت الواقعة عندما صدر قرار من إدارة عايدة فهمي التعليمية بالمعادي بإيقاف مدير المدرسة استاذ شريف العادلي عن العمل لحين انتهاء اجراءات التحقيق معه في واقعة فساد مالي
وفي رد فعل سريع من الطلبة وأولياء الأمور امتنعوا عن الحضور منذ يوم الخميس الماضي حتي اليوم لحين عودة شريف العادلي الي منصبه كمدير للمدرسة ونشرت إحدي أولياء الأمور علي صفحتها الشخصية الرسمية بموقع التواصل الاجتماعي فيس بوك قائلة
أنهاردة صدر قرار فجأة بعزل مدير مدرسة ولادي من منصبه سير شريف العادلي مدير مدرسة القناة للغات بالمعادي
الراجل ده أنا اشهد إنه حرفيا شعلة نشاط وراجل محترم جدااااا ونقل مدرستنا نقلة مكنش حد يحلم بيها
عمرنا ما رحنا ليه بمشكلة مهما كانت بسيطة إلا واهتم بيها جدا وحلها
عمره ما خذلنا وكان بيشتغل بإيده ورجله عشان يقوم المدرسة ويخليها أفضل مدرسة في إدارة المعادي التعليمية وده بشهادة كل الناس
أول ما عرفنا بالخبر ده كلنا اعترضنا بشدة وجمعنا بعضنا كأولياء أمور ورحنا عشان ندعمه
والله يا جماعة أنا فوجئت بالأعداد المهولة
فوجئت بكمية أولياء أمور كلهم في ضهره
فوجئت بكل المدرسين معاه و معترضين
فوجئت بالدادات والعمال بيعيطوا عليه ويا حبايبي غلابة عمالين بيقولوا إحنا عمرنا ما شفنا خير وعز إلا لما سير شريف مسك المدرسة
والمفاجأه بقي إني فوجئت بالطلبة نفسهم يا حبايبي متجمعين في مكتبه وزعلانين جداااااا
انتم متخيلين يعني ايه طلبة ابتدائي واعدادي وثانوي يبقوا بيحبوا المدير بتاعهم!!!
ده معناه إنه فعلا مدير محترم وشايف شغله ومصاحب كل الطلبة
سير شريف بجد أب قبل ما يكون مدير
سير شريف كان أهم حاجة عنده مصلحة المدرسة وولاد المدرسة والقوي العاملة إللي فالمدرسة من أقل واحد لأكبر واحد
انا عمري ما شفت دادات تعيط علي مدير عمري ما شفت مدرسين يحزنوا علي مدير
عمري ما شفت طلبة يتقهروا علي مدير
حتي إبني بيقولي يا ماما ده راجل طيب جداااااا ودايما يقابلنا ويقولنا ها يا ولاد حد فيكم محتاج أي حاجة
انما لا ازااااااااي نسيب حد محترم
إزاي نسيب حد يعلي علينا ويبين اننا مش شايفين شغلنا كويس
إحنا لازم نأسفن فيه
إحنا لازم نلبسه قضية
إحنا لازم نقول علي كل المتضامنين معاه إنهم عصابة وإن هو رئيس العصابة
إزاي يعني عصابة!!!!
عمركم شفتوا مدير يجتمع عليه كلللللللل الناس عمال ومدرسين وأولياء أمور وحتي الطلبة كمان
حسبنا الله ونعم الوكيل
يارب ده ظُلم بَيِّن ودي ناس افترت علينا وعلي الراجل الطيب ده لأهواء شخصية وأسباب الله أعلم بيها
مهما كانت قرارتهم الظالمه المتعسفه حيفضل سير شريف القدوه المحترم صاحب الاخلاق الراقيه أفضل مدير شافته مدرسة القناه
واليوم أعلنت وزارة التربية والتعليم انها تقف موقف حياد بين جميع الأطراف ولكنها في نفس الوقت حريصة علي عودة الانضباط في المدرسة حرصا منها علي مصلحة الطلاب وحسن سير العملية التعليمية
وفي الحقيقة تعتبر هذه الواقعة هي الواقعة الأولى من نوعها ان يكون هناك إجماع من أولياء الأمور علي مسؤول لم يختلف عليه احد
لهذا يجب علينا أن نتظر نتيجة التحقيقات مع استاذ اشرف العادلي حتى نحكم على الأمور بموضوعية