تداول رواد التواصل الاجتماعي مقطع فيديو لأحدي عضوات نادي الزمالك تدعي مها محسن وتعمل مدرسة بأحد المدارس الانترناشيونال
حيث قامت الأستاذة مها عبر الفيديو بتوجيه استغاثة لرئيس الجمهورية تشتكي فيها من واقعة حدثت مع رئيس نادي الزمالك المستشار مرتضي منصور
وقام احد الاصدقاء المقربين منها بنشر ملخص ما جاء في الفيديو كالتالي :
عضوه فاضلة في نادى الزمالك ومدرسة بمدرسة انترناشيونال اسمها مها محسن .. داخلة من بوابة النادى شافها مرتضى منصور وطلب من مدير الامن انه يسحب منها الكارنية والسبب ان شعرها لونه أحمر !!! ..وفعلا مدير الامن سحب الكارنية الخاص بها وخرجها من بوابة النادى .. وبعد ما جوزها عرف بالواقعه راح مكتب مرتضى منصور فى النادى علشان يشتكى مدير الامن .. مرتضى منصور قاله طلق مراتك او غير لون شعرها.
▪طبعا زوج العضوه رفض كلام مرتضى منصور، وقاله دى حرية شخصية، فطلب منه مدير الامن بالنادى كارنية العضوية علشان يتأكد انه زوج العضوه .. مدير الامن اخد الكارنية، وسلمة لمرتضى منصور، وطرد العضو من النادى بعد ما قاله ان اوامر مرتضى منصور يا تطلق مراتك يا تغير لون شعرها ومش هتدخل النادى تانى انت ومراتك قبل ما لون شعرها يتغير او تطلقها وتدخل النادى لوحدك.
▪العضوه نشرت على مواقع السوشيال ميديا فيديو استغاثة للسيد رئيس الجمهوريه عبد الفتاح السيسي، ووزير العدل عمر مروان و النائب العام حماده الصاوي، الحفاظ علي ما تبقي من كرامه اعضاء نادى الزمالك، ضد ما حدث من مرتضي منصور رئيس نادي الزمالك، ومدير أمن النادي.