شهدت مدرسة علي بن أبي طالب الإعدادية بمحافظة دمياط يوم 23 فبراير الماضي واقعة مأساوية بسبب تدافع الطلاب في الفصول أدت إلى تدهور الحالة الصحية للطالب عبدالله بعد دخوله مستشفى الأزهر بدمياط في حالة حرجة
ونشرت ولية أمر الطالب استغاثة جاء فيها التالي
*استغاثه من قلب ام*
فى يوم 23/2/2022 كان ابنى عبدالله فى مدرسه
على بن أبى طالب الاعداديه بدمياط الجديده
يوم عادى أثناء خروجه من الفصل ذاهبا إلى الحمام
من بين الديسكات
زميله قال له عدينى يا عبدالله
ولم يصبر حتى يفتح له الطريق فقام زميله بدفعه بقوه
فوقع على بوز الديسك وبوز الديسك دخل فى جنبه
ثم وقع مستلقيا على الأرض على نفس الجنب
من شده الدفعه
تانى يوم ذهبنا به إلى مستشفى الأزهر بدمياط الجديده
وتم حجزه بالمستشفى وبعد تشخيص الحاله اتضح الآتى
- نزيف داخلى حاد
- شرخ فى الكبد
- كدمه فى الطحال
- ارتشاح فى الكلى
وكل هذا تسبب في إلتهاب رئوى حاد بنسبة 80%
وهو الآن فى غرفة العنايه المركزه على جهاز تنفس صناعي بين أيادى الله
(ابنى مش بيتنفس بدون جهاز التنفس الصناعي)
*تعالوا اقولكم مديرةالمدرسه جايةتقولى ايةفى المستشفى*
عايزانا نمضى تصالح بينا وبين اهل الولد
اللى دفع ابنى على بوز الديسك عشان تحميه
وتحمى نفسها من المسؤولية
وبالنسبة لابنى اللى بيموت مش فارق معاهم حياته
ابنى بيموت كل يوم وانا مش قادره اعمله حاجه
حد يقولى اعمل ايه.. المديرة عايزه تحمى نفسها
وتحمى الطرف التانى على حساب حياة ابنى
انا أم وقلبى محروق على ابنى حطوا نفسكم مكانى
هل تصرف المديرة صح ولا غلط؟ رأيكم يهمنى
حسبى الله ونعم الوكيل
ادعوا ل عبدالله ابنى ربنا يشفيه ويقومه بالسلامه