بعد أن اكد الدكتور أكرم حسن وكيل وزارة التربية والتعليم ببورسعيد اليوم على أن التصحيح المميكن لإمتحانات الشهادة الإعدادية للفصل الثانى من العام الدراسى 2021 – 2022 بالمحافظة سيكون بأحدث الأجهزة والبرامج المتخصصة فى هذا المجال لتجنب أخطاء العنصر البشرى فى تقدير ورصد الدرجات مما يضمن حق الطالب كاملا.
قال الخبير التربوي الصحفي بجريدة الأهرام في مجال التعليم الاستاذ احمد حافظ :
محافظ بورسعيد قرر، أو ناوي، أو بيدرس، أو بيحلم، مش عارف بالظبط.. إنه يخللي امتحانات آخر السنة للشهادة الإعدادية بطريقة البابل شيت، ويعمل تصحيح إلكتروني للإجابات، علشان تبقى محافظته هي الأولى اللي اخترعت هذا الاختراع في الإعدادية.
= يعني طالب إعدادي لسه لا عمره عرف ولا قرأ عن البابل شيت، هيمتحن بالبابل شيت وهيتصحح امتحانه إلكتروني رغم إن مصر كلها هتمتحن بالطريقة العادية.
= سيبك من ده كله.. المدارس قالت للطلاب إن المقترح هو وجود أسئلة مقالية وأسئلة اختيار من متعدد في الامتحانات.. طب حضرتك هتصحح الاختيار من متعدد إلكتروني.. ماشي تعدي.. إنما هتصحح المقالي إلكتروني ازاي؟. طالب بيكتب كام سطر بطريقته الخاصة وأسلوبه الخاص، هتقول الجهاز يصحح كلامه ويديله الدرجة أو لا ازاي.
= أنا مكنتش مصدق اللي بيتنشر، ولا مستوعب اللي بيحصل، لكن دخلت على صفحة مدرسة إعدادية في بورسعيد، لقيتها بتبلغ الطلاب إن فيه امتحان تجريبي للتدريب على البابل شيت يوم ١٣ أبريل !.
= بجد سؤال محيرني: مين بيدير التعليم في مصر بالظبط؟!