شهدت جامعة أسيوط واقعة إنسانية حيث قام الاستاذ الدكتور / جمال احمد حسن .استاذ بكلية تجارة جامعة أسيوط بسداد رسوم مايقارب 300 طالب تأخروا عن دفع رسوم الكلية ، بسبب الحالات الخاصة ، من ماله الخاص .
حتي يتمكنوا من دخول لجان الامتحان، وحتي لا يتم حرمانهم من دخول الامتحان .
جدير بالذكر أن الدكتور جمال احمد يتمتع بقدر كبير من الحب بين الطلاب واحترامهم له حيث انه حريص كل الحرص علي مساندة الطلاب دائما وتوجيه العديد من النصائح لهم ومن ضمن أقواله للطلاب
-فكر ف القرش اللي بتاخده علشان تدخل بيه الكافتريا ، إن والدك تعب علشان يجيبلك القرش ده .
-انا لما بصحح ورقة الامتحان ، اول حد بفكر فيه والدك ، مش بفكر فيك انت ، علشان عارف كويس جدا قيمة فرحت ابوك ، اللي مش هياخد منك حاجة غير الفرحة دي بس .
-اوع تفتكر انك فاشل في الكلية ، أو متصور انك فاشل ، انت مش فاشل في الكلية ، بس انت مضحوك عليك من ناس حواليك ، لو حسبتها صح ، ورتبت نفسك هتجيب امتياز .
-يابني اوع تكسر امك وابوك ، عارف من اول مادخلوك بوابة الجامعة ، وهما فرحانين بيك وفخورين بيك ، ف رجاء خليك راجل وخليك قد المسئولية ومتزعلهمش اخر السنة.
-اعتبروني ابوكم جمال اي حد محتاج حاجة ، يجيني المكتب ، وانا بنفسي هفتحلك المكتب وهنقعد نشرب قهوة علي حسابي ، واي حد محتاج حاجة وفي قلبه حاجة ، وحابب يفضفض يجي حتي لو محتاج فلوس .