محمود الفيشاوي
ممثل مصري مواليد 16 مارس 1950....توفي 18 يناير 2
الراجل ده كان اول مره يمثل في حياته وتم ترشيحه عن طريق مؤلف الفيلم لان السيناريست محمد دياب كان صاحب ابن محمود الفيشاوي
الراجل ده لما راح يقابل احمد حلمي في مكتبه وحلمي اتكلم معاه كان بيقول لاحمد حلمي انا اول مره امثل بس عارف انا عندي كام سنه انا عندي 60 سنه بس من وانا عندي 10 سنين وانا نفسي امثل وابويا الله يرحمه كان رافض وبشده وخوفآ علي زعله مرضتش احاول اني امثل بس كان علي طول يراودني حلم التمثيل واشتغلت في مصلحة حكومية وانا دلوقتي وكيل وزارة في الكهرباء بس طول ايام عمري مانستش حلمي في التمثيل واخيرآ ربنا حققلي حلمي فأحمد حلمي قاله ان شاء الله الدور يكون من نصيبك ولو كده انت هتعمل دور والدي في الفيلم رد أ/محمود وقاله لو الدور طلع من نصيبي انا مش همثل فأستغرب احمد حلمي كمل الراجل كلامه وقاله انا هاعملك علي انك ابني هقولك يا احمد مش يا استاذ وعلي لسان احمد حلمي في كتابه بيقول انه فعﻵ ماكنش بيمثل كان بيتعامل انه ابو احمد حلمي بجد حتي في كواليس وقد ايه هو اضاف للدور كان اخر كلام محمود الفيشاوي مع احمد حلمي قاله انت عارف يا احمد انا لو عملت الفيلم ده وبعد كده موت مش هيفرق معايا وهموت وانا فرحان لاني حققت حلمي حتي لو حلمي ده قعد معايا 50 سنه بس انا في الاخر وصلتله
الجدير بالذكر ان تم عرض الفيلم في اخر سنة 2009 وتوفي الاستاذ محمود الفيشاوي 18/1/2010 مات بذبحه صدريه
بس مات اكيد وهو فرحان انه وصل لحلمه حقيقي الراجل ده ابدع في الدور وحقيقي قصته عظيمه جدآ
يمكن ناس كتير هتقول اصل ده تمثيل اصل مش عارف ايه بس هو في الاول والاخر بالنسباله كان حلم
ارفض اليأس وارفض الاستسلام يا تموت وانت بتحاول يا تعيش وانت محقق اللي نفسك فيه