.jpg)
جداول امتحانات نصف العام في أغلب المحافظات (بالغة السوء).. وتحديدا يعني جداول أولى وتانية ثانوي عام والسبب إن الوزارة ألزمت كل المحافظات ببدء الامتحانات من يوم ١٤ يناير وحتى ٢٤ يناير.. واضطرت المديريات تضغط الجدول وتعمل مادتين وتلاتة في يوم واحد.. طب ليه؟. وبشكل يومي طب ليه برضو؟! وطالب أولى هيمتحن ورقي وطالب تانية قاعد جنبه في نفس الديسك هيمتحن إلكتروني.. هو فيه كدة في الدنيا؟!.. وبعدين طالب إيه اللي يخلص امتحان الساعة واحدة ويرجع بيته العصر مطلوب منه يراجع مادتين وتلاتة في ٣ و٤ ساعات؟!.. كل ده علشان سيستم الامتحانات الإلكترونية هيفتح يوم ١٤ يناير مش قبل كدة؟! طب حضرتك مش قلت إن كل مديرية تشوف ظروفها؟! طب ليه كوزارة تكوني سبب إن الناس وولادها تعيش حالة ضغط ذهني وعصبي ملوش أي لازمة؟!. مش معقول الطالب اللي بيذاكر من أول أكتوبر لنهاية ديسمبر مش من حقه يوم يراجع فيه المنهج.. والكلام ده على الصفوف المختلفة مش أولى وتانية ثانوي وبس.. أنا كولي أمر مش طول السنة بصرف ومتبهدل مع ابني وابني بيكافح علشان يجيب مجموع محترم وده حقه وانتوا كمؤسسات تعليمية مش قادرين تحطوا جداول امتحانات آدمية.
حرفيا.. جداول امتحانات نصف العام غير آدمية
بقلم/أحمد حافظ