يبحث طلاب الثانوية العامة 2024 خلال هذه الأيام عن كيفية التقديم والتسجيل بتنسيق القبول بالجامعات والمعاهد للعام الجامعي 2024/2025 من خلال موقع التنسيق الالكتروني، وذلك عقب اعلان نتيجة الثانوية العامة رسميًا من قبل وزارة التربية والتعليم والتعليم الفني.
ونستعرض فيما يلي خطوات التسجيل عبر موقع التنسيق الالكتروني كالتالي:
1-الدخول على موقع التنسيق الإلكتروني.
2-الضغط على خدمات تنسيق الثانوية العامة.
3- إدخال رقم الجلوس والرقم السري.
4-تسجيل الرغبات التي تحتوي على 75 رغبة.
طريقة كتابة الرغبات على موقع التنسيق الالكتروني
-كيف اكتب الرغبات علي موقع التنسيق الالكتروني؟..وما المقصود بالتوزيع الجغرافي؟..أسئلة يطرحها العديد من الطلاب حول كيفية كتابة الرغبات بتنسيق الجامعات، ولمعرفة الاجابة عن هذه الاسئلة، فعلى الطلاب معرفة ما يلي:
موقع التنسيق الالكتروني هيطلب منك كتابة 75 رغبة، والسؤال هنا ..هنكتبهم ازى ؟
عندك 3 طرق لكتابه الرغبات حسب رغبتك في التنسق وهي كالتالي:
أول طريقة لكتابة الرغبات:
مثال : "لو أنت طالب من محافظه الدقهلية "علمى رياضة" ومش عايز تتغرب خارج الدقهلية وعادى بالنسبة لك دخول أى كلية دون مشكلة، يبقى طريقة كتابة الرغبات ستكون كالتالي:
1- كلية الهندسة جامعة المنصورة ( أ )
2- كلية الحاسبات والمعلومات جامعة المنصورة ( أ )
3- كلية الحقوق جامعة المنصورة ( أ )
4- كلية التجارة جامعة المنصورة ( أ )
5- ويستمر الترتيب بنفس النظام الموضح لباقي الرغبات، وذلك في حالة رغبة الطالب في التواجد بمحافظته.
ثاني طريقة لكتابة الرغبات:
مثال: " لو أنت طالب من محافظة الدقهلية "علمى رياضة" وعايز تدخل كلية الهندسة حتى لو فى محافظه تانية عادى ثم بعدها ثاني رغبة كلية الحاسبات والمعلومات"، يبقى طريقة كتابة الرغبات ستكون كالتالي"
1- كلية الهندسة جامعة المنصورة (أ)
2- كلية الهندسة جامعة الزقازيق (ب)
3- كلية الهندسة جامعة دمياط (ب )
4- كلية الهندسة جامعة طنطا (ب)
5- كلية الهندسة جامعة كفرالشيح (ب )
6- كلية الهندسة جامعة بور سعيد (ب )
7- كلية الهندسة جامعة القاهره ( ج )
8- كلية الهندسة جامعة عين شمس ( ج )
9- وأكمل باقى كليات الهندسة في باقي المحافظات، ثم أدخل على كلية الحاسبات والمعلومات "وذلك لأن رغبتك تدخل كلية الهندسة حتى لو في محافظه تانية" .
قواعد التوزيع الجغرافي
والسوال هنا.. " ما هي حروف ( أ ) و ( ب ) و ( ج ) المكتوبة بجوار كل جامعة في موقع التنسيق الالكتروني؟
عزيزي الطالب هذه الحروف قواعد التوزيع الجغرافي
أي أن الموقع بيقولك مثلاً: " أنت من محافظه الدقهلية معلش مش هينفع تدخل "هندسة دمياط" قبل "هندسة المنصورة" يعنى يريد منك أن تكتب جامعة ( أ ) ثم جامعة ( ب ) ..
يعنى طالما من الدقهلية مش هينفع تكتب جامعة تصنفها ( ب ) قبل جامعة تصنفها ( أ )...
طيب خلصت الجامعات اللى تصنفها ( أ ) ، هتحط بعدهم جامعات تصنفها ( ب ) حتى لو اكتر من جامعة تصنفها ( ب ) رتبهم بمزاجك ولما تخلص ( ب ) ادخل على تصنيف ( ج ) ".
مثال :
1- كلية الهندسة جامعة المنصورة (أ)
2- كلية الهندسة جامعة الزقازيق (ب)
3- كلية الهندسة جامعة دمياط (ب )
4- كلية الهندسة جامعة طنطا (ب)
5- كلية الهندسة جامعة كفرالشيح (ب )
6- كلية الهندسة جامعة بور سعيد (ب )
7- كلية الهندسة جامعة القاهره ( ج )
8- كلية الهندسة جامعة عين شمس ( ج )
ولو فى اكتر من كلية تصنفها (ب ) رتبهم براحتك، لكن مش هتعرف تحط (ج ) غير لما تخلص جامعات ( ب )، ولو عملت غير كدا هتلاقى الموقع بيقولك خطأ توزيع جغرافي .
ثالث طريقة لكتابة الرغبات:
مثال: " لو أنت طالب من محافظة الدقهلية "علمى رياضة" وعايز تدخل كلية الهندسة ولو مافيش هندسه أدخل حاسبات،لكن مش عايز ابعد أوى عن محافظتى"، يبقى طريقة كتابة الرغبات ستكون كالتالي:
1- كلية الهندسة جامعة المنصورة (أ)
2- كلية الهندسة جامعة الزقازيق (ب)
3- كلية الهندسة جامعة دمياط (ب )
4- كلية الهندسة جامعة طنطا (ب)
5- كلية الحاسبات والمعلومات جامعة المنصورة ( أ )
6- كلية الحاسبات والمعلومات جامعة الزقازيق (ب )
7- كلية الحاسبات والمعلومات جامعة دمياط ( ب )
8- كلية الحاسبات والمعلومات جامعة دمياط ( ب )
9- كلية الحاسبات والمعلومات جامعة طنطا ( ب )
وهكذا باقى الكليات اللى عايز تدخلها بعد حاسبات ومعلومات.
وطبعاً كما ذكرنا سابقاً أن حروف ( أ ) و ( ب ) و (ج ) هتكون موجودة بجوار كل كلية فى الموقع .
5- وبعد الانتهاء من تسجيل الرغبات،أضغط على عبارة "تم"، بعد التأكيد من الرغبات.
6- ثم سيظهر قائمة الرغبات المسجلة، والمسجل بها رقم الإيصال، قم بتصوير رقم الايصال "اسكرين شوت" او بالموبايل، ويجب حفظها "PDF" و اطبعها براحتك في أي وقت.